"أنا الحدوتة".. رضا البحراوي يطرح أغنية جديدة
طرح المطرب الشعبي المصري رضا البحراوي، أغنية جديدة تحمل اسم "أنا الحدوتة" عبر قناته بـ"يوتيوب" وجميع المنصات الرقمية.
واستعد رضا البحراوي لطرح الأغنية الجديدة، عقب انتهائه من تسجيلها الأيام الماضية بأحد استديوهات الصوت.
أغنية "أنا الحدوتة" هي من كلمات محمد عنتر، وألحان رضا البحراوي ومصطفى حجاج، وتوزيع موسيقى محمد حريقة، ومن إنتاج "هاي ميوزيك"، وتوزيع "ديجيتال ساوند".
وجاءت كلمات الأغنية الجديدة كما يلي:
أنا الحدوتة اللى شغلاكم وتعباكم بقالها سنين
مسلك نيتى ليكم وانتوا مش سالكين
بتناموا تقوموا على سيرتى كلام يتقال وأنا فى غيبتي
ده ميقللش من هيبتي
ولا يعملكوا بنى آدمين
عمال تقول أنا ورق حطيت عليك كام سنة
أبو غل من غلة أونطة في الجدعنة
فاهم الرجولة غلط
معووج عايز يتظبط
فاضي وأخرك هوا
زي اللي كبر اتعبط
رايح وجاي تترسم ماشية معاك بالعشم
إكمني حارقك أوي قلبت معاك بالغشم
ياعم فوق واصطبح
ده الغل منك طفح
أصفر وسماوي
تايه وعامل شبح
النجم فوق فى السماء
معروف صحيح إنما
من فترة مش باين
زي الفاضي واترمي
إعمل حساب واقعتك
هو إنت فين شغلتك
كرهوك عشان كداب
وفي حتة مش حتتك
حراق عليك بالقوي
مني كمان مستوى
إحنا اللى مشغلناش ولا ضعيف ولا قوي
البابا ودى شغلتي
حبة عيال تتلغي
بشوط اللي بييجي
بييجي على سكتي
سمعت عندك أنا
بقالي شوف كام سنة
راحت عليك يا زميلي
فبلاش تقول أنا وأنا
كان الفنان رضا البحراوي، حصل الأسبوع الماضي على جائزة أفضل مطرب شعبي لعام 2023 فى مهرجان وشوشة، وأهدى الجائزة إلى جمهوره.
فريق فيلم "الإسكندراني" في ورطة.. اتهام بالسرقة قبل عرضه بالسينمات
تعرض صناع الفيلم المصري "الإسكندراني" لموجة من الانتقادات بعد ساعات من طرح ملصقات الدعاية.
وعبر موقع "إكس" (تويتر سابقا) اتهم فريق من الجمهور صناع الفيلم بسرقة فكرة ملصقات الدعاية من المسلسل المصري الشهير "تحت الوصاية" الذي عرض في موسم رمضان الماضي، وشارك في بطولته الفنانة منى زكي وعدد كبير من نجوم الفن.
وقال فريق من نشطاء موقع "إكس" إن هناك تشابها بين ملصقات دعاية الفيلم وملصقات المسلسل بدرجة كبيرة تكاد تصل للتطابق وهو ما يعني أن الفكرة مأخوذة من المسلسل بالكامل، ورفض فريق آخر هذا الاتهام وبرر دفاعه بقوله: "الأحداث في العملين تدور في مدينة ساحلية وهو ما يجعل الملصقات منطقية والتشابه غير مقصود".
يعرض فيلم "الإسكندراني" يوم 4 يناير/ كانون الثاني 2024، وهو مأخوذ عن رواية للكاتب الراحل أسامة أنور عكاشة، ويشارك في بطولته أحمد العوضي في أولى بطولاته السينمائية، إلى جانب زينة، وبيومي فؤاد، والفنان حسين فهمي، وصلاح عبدالله، ويشارك في البطولة أيضا الفنان محمود حافظ، ومحمد رضوان، وعصام السقا، ورحاب الجمل والوجه الجديد تسنيم مطر، والعمل يحمل توقيع المخرج خالد يوسف.
