ويجز يطرح ألبومه الجديد "عقارب" بـ12 أغنية وتعاونات عالمية

فاجأ مطرب الراب ويجز جمهوره بإطلاق أحدث ألبوماته الغنائية بعنوان "عقارب" عبر منصات الموسيقى وموقع "يوتيوب".

ويضم الألبوم 12 أغنية طرحها دفعة واحدة، من بينها: كبسولة، خسرت الشعب، بيقولوا ما يقولوا، باد دايز، مظهر ومال، افتر بارتي، وازاي تفوتني.

ويشهد العمل تعاونات موسيقية بارزة، حيث يشارك ويجز مع الرابر زياد ظاظا في أغنية "غريبة"، والنجم النيجيري Seyi Vibez في أغنية "ماما أفريقيا". كما يتعاون مع الفنان الفرنسي Tayc في أغنية "جيرل فريند"، والجزائري Savage Plug في أغنية "دي".

ويجز يكشف حقيقة صاحبة أغنية البخت

كشف مطرب الراب ويجز، على حقيقة الجدل المثار خلال السنوات الماضية حول هوية الفتاة التي كُتبت لها كلمات أغنيته البخت، التي ربطها الجمهور بالفنانة هدى المفتي منذ طرحها عام 2022، وذلك خلال تصريحات تلفزيونية.

وقال ويجز: "حاسس أن حصل عليها موجة شائعات ولكني قررت أني مشتبكش مع الناس خالص، ولكن الأغنية مش معمولة لحد بعينه، ممكن تكون معمولة لحد تاني خالص متعرفهوش في كواليس المشهد مش لازم يكون حد بيمثل ولا بيغني، الحياة فيها أكتر من كده بكتير".

وتابع: "مبيبقاش في بالي أني أبعد عن الساحة الفنية، ولكني بني آدم بحب اتبسط بالحاجات العادية، بحب أكون إنسان عادي وأروح أتمشى وأعمل الحاجات الطبيعية".

واختتم ويجز: "أنا وكل واحد أعرفه مشهور بنحاول نتأقلم مع الشهرة، لأن الإحساس جديد وبيحصل حاجات كل شوية ومواقف أغرب من بعض فبتخليك لازم تتعامل معاها بالشكل المناسب".

وصفت الفنانة هدى المفتي في لقائها مع إسعاد يونس في برنامج "صاحبة السعادة"، شائعة ارتباطها بأغنية “البخت” بـ"السخيفة".

وأكدت المفتي أن هذه الشائعة أثّرت عليها نفسيًا، خاصةً مع تعرضها لانتقادات من الجمهور في الشارع بسببها، وأشارت إلى أن علاقتها بـ ويجز هي علاقة معرفة فقط، وليس هناك ارتباطًا عاطفيًا، قائلة: "الناس في الشارع لم يكونوا لطفاء معي.. الأغنية ليست لي، ولا أعرف لماذا نسبت إليّ".

في البداية، لم تصدر أي تصريحات رسمية من هدى المفتي حول الموضوع، كما اقتصر موقفها على تجنب الحديث والرد، فيما أكد ويجز في تصريحات في شهر مارس الماضي عام 2025، أنها بمنزلة "أخته" وأوضح أن علاقة الصداقة تجمعهما فقط وليس هناك أي ارتباط عاطفي.

مع طرح مطرب الراب ويجز لأغنيته الشهيرة "البخت"، ربط الجمهور الأغنية بشكل واسع بالفنانة هدى المفتي، مشيرين إلى أنها موجهة لها أو مستلهمة من قصتها، وهو ما أثار جدلًا واسعًا وانتشارًا سريعًا للخبر رغم نفي الطرفين.

كلمات أغنية البخت

عيني منها بشكل جدي
وتقيلة مش تقلانة اتبخر سحري
ومش باجي على بالها ومفكرتشي
وبالي فيها بابا بالي مش ملكي
بلعب البخت سألتها ورفضتني
استغربتها أمال فين هيبتي
حبيبي أنا بضحك على خيبتي
يا خي كنت عالثبات وهزتني
واللي فات ده كان سحري
مش باجي على بالها ان جت سيرتي
أنا بالي معاها مش ملكي

قالت كلام قبل اما تشوفني
عارفني صعب ومش مفهوم
كلامي دبش ومش موزون
أو بتحب حد والبال مشغول
مشوفتهاش ولا حد يلومني
ملاك بريئ ولا أنا مخدوع
هي توتر ولا أنا مهزوز
أو أذاها حد والكل مرفوض

ولا ايه القصة حبيبي فيدني
اللي اذوك ياما حبيبي سيبني
أخلي الجاي ورود وشموع
يتغنالها وبصوت مسموع
ولا ايه القصة حبيبي فيدني
اللي اذوك ياما حبيبي سيبني
أنسيك ماضي كله دموع
ولا مقدرش أسيبك موجوع
سحرتني ولا سحرتلي
وعيون مش محتاجة تسحرلي
ومش عايزة تجيبني بس جابتني
ونسيتني وفقصتي حبستني

والله ووقعت بفكر فيك
كتير بالي عليك مشغول
وانا بتصعب عليا حالي
وانا بكتبلك كلام معسول
بعيد عن عيني ويا عيني
مع غيري ومش مبسوط
دانا أضيع عمري يا عمري
وأحبك حب مش مشروط

لا تلاقي عندي وعود كذابة
وكبرت على ولا شيئ مضمون
كلامي على قد اللي معايا
وفي الحب مستناش مردود
بالراحة على قلبي المكسور
اللي مشكلته انه فيك مسحول
مين اختار اللي عينيك عملوه
ده مش ذنبي أنا اصحيت محطوط