تامر حسني يتصدر التريند بأغنية "أنا مش هتغير علشان حد "
طرح نجم الجيل تامر حسني أحدث أغانية، من الألبوم الصيفي هرمون السعادة، وتصدرت محركات البحث بمنصة يوتيوب، بالإضافة لتفاعل رواد السوشيال ميديا معها من خلال الفيديوهات الذي يعيد تامر حسني نشرها من خلال خاصية إستوري بحسابه الشخصي بموقع تبادل الصور والفيديوهات إنستجرام.
وتعتبر ثاني أغاني الألبوم بعد الأغنية الدعائية لفيلم تاج والتي تحمل اسم الألبوم " هرمون السعادة"، وهى من كلمات وألحان تامر حسني توزيع علي فتح الله.
كلمات الأغنية
انا غالي قوي فعين نفسي
غالي قوي غالي قوي
وم اليوم دة هعيش
لو مش هكون تاج على راسك
وعالي قوي عالي قوي ماتلزمنيش
ويا احزاني جبت الناهية
ويا احزاني يالا فداهية
انا مش هتغير عشان حد
انا مش هتغير علشانك
انا زي ما انا للي حاببني
ولا عمرها يوم وقفت على حد
انا مش هتغير عشان حد
انا مش هتغير علشانك
انا زي ما انا للي حاببني
ولا عمرها يوم وقفت على حد
مش هضيع عمري تاني
وكفاية اللي راح
ولا هتحمل في اناني يا اناني
وخلاص هرتاح
وعن مهرجان العلمين، أبدى الفنان تامر حسني، سعادته الشديدة لإحياء أضخم حفلات مشواره الفني خلال افتتاح مهرجان العلمين الجديدة بدورته الاولى بالعلمين الجديدة بالساحل الشمالي بحضور تاريخي من الجمهور وعدد من مختلف الجنسيات العربية.
ونشر تامر عدد من صور الحفل عبر «فيسبوك» قائلا: «يمكن قولت كتير على حفلات انها من احلى حفلات حياتي بس حفلة العلمين امبارح بجد هي احلى واهم حفله عملتها في مشواري الفني كله من اول دخلة الحفله بالطيران على كل هذا الارتفاع واللوحه الخاصه بكل اغنيه بغنيها من عروض استعراضيه متناسقه مع كل الجرافيكس المعروض على الشاشات المتناسق ايضًا مع ابهار الالعاب الناريه اللي بيعبر عن كل حرف في أي اغنيه بغنيها».
وأضاف :«بجد الحفلة دي كان وراها ناس كتير مخلصة وبتحب شغلها وقبل أي شيء حابين بعض وحابين الخير لبعض عشان كده طلعنا بالنجاح الجماهيري الخرافي ده والنجاح المسرحي التاريخي ده، شكرًا جمهورنا الراقي، شكرًا صناع الحفله، شكراً لاختياري لافتتاح مهرجان العلمين، العالم علمين».
