راندا البحيري تدعم ياسر جلال وتتبرع لصندوق تحيا مصر

أعلنت الفنانة راندا البحيري، أنها تدعم الفنان ياسر جلال، وتتبرع لصندوق تحيا مصر، فى ظل الأزمة الاقتصادية التي تمر بها مصر خلال هذه الأيام.

وكتبت راندا البحيرى على "فيس بوك": "كل الشكر للنجم المحترم الخلوق ياسر جلال اللي وفق جنب بلدة في وقت البلد كلها محتاجه إنها تتكاتف.. وبإذن الله تكون قدوة لفنانين كتير وأنا أولهم ونعمل واجبنا ونحط اللي نقدر عليه في الصندوق.. أنا كمان هعمل كدة.. شكراً ياسر جلال.. طول عمرك مخلص ووطني ومحترم وابن أصول".

ياسر جلال يدعم تحيا مصر بـ 3 ملايين جنيه

وأعلن الفنان ياسر جلال عن تبرعه بمبلغ ثلاثة ملايين جنيه لصالح صندوق تحيا مصر، اليوم.

وقال ياسر جلال: "المرة ديه بعلن عن الجهة والمبلغ اللي اتبرعت بيه، لأني بتمنى إن كلنا نشترك، ونعمل اللي نقدر عليه، وبدعي زملائي النجوم أنهم يتبرعوا باللي يقدروا عليه، عارف إن في منهم عمل الموضوع قبل كده، بس لو عملوا ده تاني يبقي شيء عظيم".

وتابع ياسر جلال: "يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي، أنا راجل لا غاوي شهرة ولا نجومية، أنا بشتغل وبخلص شغلي وبروح أقعد مع مراتي وأولادي، وبعمل ده لأن كلنا شايفين إن البلد بيمر بأزمة كبيرة، والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض"، وحرص على إنهاء حديثه بالدعاء لمصر.

ياسر جلال يعتذر عن مسلسل ألف ليلة وليلة

واعتذر النجم ياسر جلال، عن مسلسل ألف ليلة وليلة ، وذلك لعدم قدرته على أداء الدور ، حيث أن الدور يتطلب مجهودا بدنيا  شاقا ، وقدرات خاصة.

وقد تفهم القائمون على صناعة العمل هذا الأمر، وأكد ياسر جلال في بيان صحفي انه يتمنى لكل العاملين فى المسلسل وللشركة المنتجة كل التوفيق والنجاح.  

وانضمت الفنانة سامية الطرابلسي ونور اللبنانية وإسلام حافظ الي فريق عمل مسلسل "ألف ليلة وليلة"، والمقرر عرضه خلال موسم رمضان 2024، بسبب ما يحتاجه العمل من تحضيرات و أعمال جرافيك، والتصوير في عدة دول.