حسام حبيب يحذر الموقع الذي نشر تسجيلات خاصة بشيرين باللجوء للقانون

نشر المطرب حسام حبيب فيديو عبر حسابه على تطبيق “انستجرام”، للرد على التسجيل المسرب حيث ظهرت فيه زوجته شيرين عبد الوهاب وابنتها الكبرى.

وقال حسام حبيب مدافعًا عن شيرين عبد الوهاب بعد تداول فيديو منسوب لوالده يحمل تطاولات بحقها: “أنا عمري ما عملت فيديو للرد على أي كلام اتقال عليا، عاوز أشكر ناس طلعوا أكرم وأجدع من الناس اللي من دمي، أنا أكبر من الدفاع عن نفسي، وبكل أسف عارف إن في ناس قريبين مننا هما السبب في اللي بيحصل لنا، عاوز أقول إن في ناس كانت بتنتهك حقوق شيرين، ولما جيت وعرفتها حقوقها انقلبوا علينا.. علشان الحنفية اتقفلت”.

وأوضح حسام حبيب أن “شيرين عبدالوهاب عندها شركة تدير أعمالها، ومش بتاخد أوامر من حد.. عندما تزوجت شيرين كانت أنجح فنانة في العالم العربي.. أنا وشيرين ربنا اختارنا لبعض ومفتكرش إن إنسان مش سوى يقدر يفرقنا، و معتقدش في إنسان عنده علاقة بربنا يعمل كدة مهما كانت درجة قرابته ليا، الشخص اللي عمل كده قريب مني ومش أول مرة يؤذيني، وآسف إني بقول عليه الشخص ده”.

كما طالب صاحبة الموقع الذي نشر التسجيل بالتوقف بالابتعاد عن زوجته ومضايقتها قائلا : ” ابعدي عن شيرين، وسبيها تعيش بيتها وجوزها، حسبي الله ونعم الوكيل، لو الحاجات دي استمرت هلجأ للقانون، ومش هيفرق معايا صلة القرابة، لأن البني آدم اللي عمل كدة بيفتري وبيخرب بيوت وبيتكلم في أعراض، وجاب سيرة أمي.. وأمي عندي غالية جدا، هي اللي ربتني وعلمتني كل حاجة في حياتي، أمي والراجل اللي خلفني منفصلين من 30 سنة، وكانت بتقولي أسال عليه، وكنت بعمل كده، وسألت شرعا وقالوا ليا ابعد عنه مادام بيعمل كده”.

بدورها ردت الفنانة شيرين عبدالوهاب على التسريب الصوتي الذي تصدر مواقع التواصل الاجتماعي مؤخرا، والذي جاء على لسان والد زوجها حسام حبيب، وكشف خلاله أسرارا شخصية.

وكانت شيرين عبد الوهاب قد ردت أمس،الأثنين، على الفيديو المنشور قائلا : “عاوزه أطمن كل الناس على صحتي، أنا كويسة وحسام زوجي إنسان من أنضف رجالة الدنيا ومتربي وبيحبنى اكتر من نفسي وميستاهلش منكم كم القساوة دي عشان أنتوا متعرفهوش”.

لمشاهدة رد الفنان حسام حبيب على تسريبات والده الرجاء الضغط هنــــــــــا